A torra di Capu di Muru

A torra di Capu di Muru

A torra di Capu di Muru hè stata iscritta cum'è munimentu storicu per decretu di u 22 d'aprile 1994. U postu d'osservazioni, torra genuvesi di Capu di Muru, hè ripresu à l'inventariu generali di u patrimoniu culturali da a Cullettività di Corsica.

A girandulata

Partenza : seguità a stradina chì indica a direzzioni di Monti Biancu. À a surtita di u paesoli di Monti Biancu, parchighjà annant'à una piccula area di rena da induva parti u chjassu.

Piglià a pista in terra versu u punenti finu à a barriera chì blocca u chjassu.

Cuntinuà nant'à u chjassu principali sin'à un'intersezioni. Piglià à manca a pista chì cala. 300 metri dopu, lascià u chjassu chì parti à manca è cuntinuà drittu.

Ghjuntu à una cansa in Y, piglià u chjassu à diritta in direzzioni di a torra genuvesi (picculu palu indicatori). Attraversà u sottuboscu sin'à a torra induva a cima hè accessibili cù una scala.

Per rientra, abbandunà u chjassu à manca per u quali semi ghjunti è piglià una traccia chì codda à diritta in a macchja.

Ghjuntu à un locu pulitu cù una casa, piglià versu u punenti una traccia stretta (picculu palu chì indica Capu di Muru). Cuntinuà per issu chjassu chì sbocca nant'à u liturali è à l'estremità di a penisula. U chjassu s'allonga dopu à traversu à i scogli di granitu, è ghjunghje sottu à u fanale è à a capella. U ritornu si faci senza difficultà longu à u liturali versu l'orienti è Cala d'Orzu.

À a cansa in T, lascià u chjassu chì cuntinueghji davanti è piglià a teppa manu manca sin'à a cresta.

Sbucà nant'à una pista larga. Piglià manu dritta è ghjunghja à u crociamentu.

Piddà di novu à diritta per vultà versu u puntu di partenza è u parcheghju.