L'anticu pinitinziariu

U pinitinziariu di Coti Chiavari hè un situ pittorescu cù un passatu assai duru. Stu pinitinziariu hè statu fundatu in u 1855, i so ruini sò situati à mezu strada trà Verghja è Coti Chiavari nant'à un pianu induva si scopra una vista trimenda nant'à u Golfu d'Aiacciu. In u 1870, i prigiuneri anu custruitu un picculu matrali chì ritena 24 000 m3 d'acqua. Si hè pussutu cuntà fin'à 800 prigiuneri, è ci era ancu un pinitinziariu di donni di u quali ùn ferma oghji chè qualchi ruina.

Girandulata Da Purtichju, suviteti a RN 55. Feti circa 15 km, è cuddeti ver di u paesi di Coti Chjavari ghjustu dopu à a piaghja di Mari è Soli. U vechju pinitinziariu si trova à 3 km di u crucivia. Pudeti parchighjà vicinu à i ruini. A spassighjata principia quì. I diversi edifizii di u vechju pinitinziariu sò stati messi in serviziu da Napulioni. U caminu principali parti da u "Pinitinziariu di l'omi" (un grandi edifiziu privatizatu avà) per ghjunghja à u "Pinitinziariu di e Donne" chjamatu ancu Laticapso (riferenza ruina IGN). À l'azardu di i chjassi, pudeti scuntrà una vasta cisterna, picculi campusanti, beddi muri in petri maiò, tristi ricordi di i travagli furzati di i ditenuti.